Breitbild Einsam Songtext
Breitbild Einsam Songtext
Chur Alta
gimmer en unschinbara block
ire unschinbara siedlig wo mer schinbar nur ufs unschinbara bock hett
und der working class hero mit der liabi vo sim leba
töchtere und me sohn ira vierehalber wohnt
dört vermischet sich d vergangaheit in dörfer wo mer alli kennt
und d gegawart wo di din nachbur nit mal me bim nama nennt
wo oberländar zum begriff für rückständigkeit wird
d kinder findet d muetersprach plötzlich nur peinlich
dört risst mer wurzla us wo dir doch sötten halt geh
well du ksehsch in zuakunft numa z schaffa und alt werda
irgendwenn denn nüma schaffa doch alt werda
irgendwenn denn nüt meh wüsse z macha und alt sterba
doch no simmer jung
immer wieder jung
hesch ke ziit, ich schenk der mini, also nimm sie, kumm
gibe gera dervo ab, das bringt mi nit um
zehr vom leba in der siedlig
und dört bini einsam, einsam und still
e strass ima quartiar
king of the hill
und dört bini einsam
elai mit de stadt
e rundi ime park und denn na ä pint imene pub
glück fühlt sich dehaima
verschwindet im elai, elai, elai
verschwindet im elai
glück fühlt sich dehaim a, imne winzig klina platz
ich singas id nacht
wo vora unerträglich viele netta kaffees inre klina stadt
mit me na viel grössara quartiar
d sunna zwüsched zwei und vier, s martinsloch zwüsched zwei blöck findet
und en asphaltier mit gartamöbel möbelierte graua flecka erda
verdichtet sich d bezüchige in halb öffentliche ruum
zwüsched dachterrassa tänz und füechte dada dichte troim
uf der velo börsa schätz, zwüschen gelba wänd
und denn di wilde wilde jahr
und ebe doch nit enda wennd
true talk
baby du fehlsch miar
nümm
denn i han dini attribut gsammlet wiana jäger
und ghüatat wiena pflegar
und abgleit wiana archivar
könig vo de abentür
zums im kalta winter denn studiara vorem nächschta abedfüür
bewahra neb de memoire vo diar im kline noire
au de letschti satz wo nüt me kann als nur zitat sii
blib da
s isch kalt dussa, es schneit
du so 'wenns schneit kanns nit so kalt sii'
im dunkelrota abed, vorem glitzer vor laterna
aber d pflastarstei gebet immer na nes bitzli wärmi ab
lampe züchend schwärmer ah
uf der alta stega
vor ere alta kathedrala
quöllt mis fernweh ab
dunkelblaui nacht über hellblauem neon je
und alli reden kreol usser miar
isch mer recht, i will mi gar nit unterhalta
es isch meh so as museum
lönd mi eifach gseh und eifach ghöra
eifach sii und ime dunkelviolette morge ine hängematta ligge
innere hängematta blibe ligge bis am mittag irgendwo
inmitta vo verwilderete hinderhöf
woni mini nachburin no kinderliedar singa khör