Breitbild Raketa Songtext

du bisch parat du hesch as ticket für da 8i-flüger, du bisch ufgregt, diar isch fascht schu übel & du übernachtisch über ama riisagrossa rosarota plastikkübel aber du bisch ready du hesch dina hang zu haschisch züglet

d'lesebrilla macht di klüger, du hesch dr krawattaknopf glernt & im fernstudium latinlektiona gno, probt für dini one-man-show, ohni ton, tagelang am meditiara, z'raucha ufgeh für din ungebora sohn

du bisch unglücklich verliabt gsi doch du hesch es überstanda, du bisch parat & spürsch dr 8i-flüger landa

(10.9.8.7.6.5.4.3.2.1.)

du bisch so

du bisch so uhuara parat

du bisch so uhuara parat & as isch din moment, spür das füür wo in diar brennt, das füür wo in diar brennt

innerlich am kocha bisch dr inbegriff vo 100 grad, nimm das füür wo in diar brennt & zünd damit dia lunta ah, zünd zünd dia lunta ah, jetz isch dr moment zum schiina, z'limit isch dr himmel also lömmer dia raketa stiiga

zmizzt in dr nacht in dr stadt ufm dach vomna club hesch a abschussrampa gfunda, jetz kletterisch ufa mir raketa im arm & du hoffsch din plan seg glunga

& du bausch dr a grüscht & du luagsch nomol kurz über d'schultera zrugg uf d'massa duna, erkennsch si no, waisch no wias gsait hen, dini träum werden schmelza wia wachs ar sunna

doch du hesch nid so zuaglost, hesch meh so tua als ob, hesch meh so denkt ii gib nid uf, ii wett mit musig, 70 uftritt, ii werda kritisch, kirchaustritt

dr pfarrer, das muasch mr erklära min sohn. du so segemers so, d'erklärig vo bern erklärt a biz meh als d'erklärig vo rom also kum, seg wer isch schu gera din sohn. & du gründsch a firma, gründsch a aigni. du gründsch a familia du machsch was gera machsch also flügsch vomna dach ufma club us dr stadt direkt ind stratosphära

(10.9.8.7.6.5.4.3.2.1.)

du bisch so

du bisch so uhuara parat

du bisch so uhuara parat & as isch din moment, spür das füür wo in diar brennt, das füür wo in diar brennt

innerlich am kocha bisch dr inbegriff vo 100 grad, nimm das füür wo in diar brennt & zünd damit dia lunta ah, zünd zünd dia lunta ah, jetz isch dr moment zum schiina, z'limit isch dr himmel also lömmer dia raketa stiiga

ii spürs in miar ufkoh, as brodlet in miar & d'lascht uf da schultera loht nid noh. fühla mi luschtlos, nervös & ii glauba ii bruch a veränderig im neua johr. endi vom johr, november, dezember, s'wird kälter, kälter verussa, in miar

hend im märz a schweri entschaidig gfällt, bis jetz no kaini härter als dia

grunga mit miar, kai aifacha schritt & glich d'initialzündig zum glück, inara andera stadt, han a job wo mr gfallt, a frau woni liab, woni liab wia no nia

ii fühl mi parat, nima step by step & luaga vorus was no kunnt uf mim witera weg, s'isch an wiita weg, wiit, wiit entfernt, blick in d'sterna ii griifa noch mina

schaffs nid ganz zum si griifa, nima platz ir raketa lohn mi triiba, ins dunkla vor nacht ohni ziel z'ha, gsehn dr blau planet vor miar am schiina

(10.9.8.7.6.5.4.3.2.1.)

du bisch so

du bisch so uhuara parat

du bisch so uhuara parat & as isch din moment, spür das füür wo in diar brennt, das füür wo in diar brennt

innerlich am kocha bisch dr inbegriff vo 100 grad, nimm das füür wo in diar brennt & zünd damit dia lunta ah, zünd zünd dia lunta ah, jetz isch dr moment zum schiina, z'limit isch dr himmel also lömmer dia raketa stiiga