Fritz Stingl Erinnerungen Songtext

An Hoizkruag und a Wåssapfeiff‘n

håst ma dåmois g‘schenkt, i hoit‘s in Ehr‘n

i kå‘s ned glaub‘n dass‘d nimma bist,

dei Foto in da Hånd mir is zum rean

a Lucka reisst‘s ma in mei Herz,

du woast oana vo de best‘n Freind

doch irgendwånn, büd i ma ei,

sama wieda bei an Bier vaeint

I håb‘s bis jetzt ned g‘schåfft,

dass i dei Handynumma lösch‘ i brings ned zåm

wånn i Richtung Emsee foa

wird ma oiwei komisch, Ångst, und Bång

du gehst uns ålle å

warum‘s so kema is, geht uns ned ei‘

fia di is ois in Ordnung, bist ned traurig, so wias is, so muass‘ hoit sei‘

Erinnerungen hoit‘n di gånz fest bei uns

a jeda denkt ån di

Traurigkeit erfüllt in Raum

wer is vo uns da Nächste, vielleicht i

du håst unsa's aufzoagt

vo Unvawundboakeit san mir weit weg

a Kerz‘n brennt oi Tåg fia di

i wünsch da drüb‘n ois guade und vü Glück

Woch'n san scho uma

koana kå‘s so richtig glaub‘n, wås is passiat

du bist nimma kumma, ois is traurig

aus da Hånd rinnt ma des Liad

du lebst in da Ewigkeit

an jed‘n wa‘s hoit liaba, du wa‘st då

es woa mit dir a schene Zeit

a gråda Müchö woast, mit dir woas g‘schmåh

Erinnerungen hoit‘n di gånz fest bei uns,

a jeda denkt ån di

Traurigkeit erfüllt in Raum,

wer is vo uns da Nächste, vielleicht i

du håst unsa's aufzoagt,

vo Unvawundboakeit san mir weit weg

a Kerz‘n brennt oi Tåg fia di,

i wünsch da drüb‘n ois guade und vü Glück