Mani Matter Dr Mönsch isch wie Dä, wo dr Zug het verpasst Songtext
Mani Matter Dr Mönsch isch wie Dä, wo dr Zug het verpasst Songtext
dr Mönsch isch wie dä wo dr Zug het verpasst
und sich d'Frag nachhär gstellt het: wieso
und gseht, das sy Uhr äbe hinger isch gange
und dänkt: das söll nümme vorcho
und geit sech für nid no dr nöchscht Zug z'verpasse
e besseri Uhr ga erstah
und won er drmit uf e Bahnhof zruggchunt
isch dr nächscht Zug halt o scho nümm da
das chunnt halt dervo, dänkt er, das i nid gründlech
dr Fahrplan ha gläse vorhär
und list ne due gnau, bis er gseht, das inzwüsche
grad wieder e Zug gfahre wär
jitzt blybeni hie uf em Perron, so nimmt er
sech vor, de verwütsch i ne scho
und blybt dert und wartet, da fahrt ihm dr Zug
uf em andere Perron dervo
so steit er no geng uf em Bahnhof desume
das heisst: wenn er nid gschtorbe isch
und während er wartet uf Züg, won ihm ab sy
Geit ihm dr nächscht ou scho dur d Büsch