Patent Ochsner Gruusigs Lied Songtext

I ha letscht Nacht es hueregruusigs Lied gmacht.

Irgendeinisch zwüsche zwöi & drü isch es plötzlech da gsi

& me het ihm aagseh, dass es hie wird blybe & wird blybe was es isch:

es gruusigs Lied mit eme scharfe Scheitu,

mit eme Grinse, breit & eitu

& i ha gseit du hesch mer würklech grad no gfäut!

I ha's zwar probiert z verjage,

aber wo's het afa tage, hani's ufgäh

& sider ligt's mer uf em Mage, ligt vor mir hie uf em Tisch,

macht sech wichtig & viu grösser als es isch.

I ha letscht Nacht es hueregruusigs Lied gmacht.

Tschuldigung, es tuet mer leid.

I ha nüt angers z Schtand bracht als es wyters gruusigs Lied für ds Radio.

Dass es mi ganz persönlech Tiefpunkt isch, tja, dass weiss i o.

Ja mängisch geit's eim haut so

& nes gruusigs Lied isch immer no besser als gar keis im Radio

& viu besser aus eis, wo weder Vogu no Fisch,

nid emau richtig gruusig isch.

Ja mängisch geit's eim haut so

& nes gruusigs Lied isch immer no besser als gar keis im Radio

& viu besser aus eis, wo weder Vogu no Fisch,

nid emau richtig gruusig isch.