Seiler Und Speer Stiagnhaus Gstanzl Songtext

Heans Fräulein ihr Sohn is a Gfrast, oiso so eine Schand.

I hob eam letzte Wochn gsehn do unt im Hof mit da Zigrettn in da Hand.

Heans, I was jo wos i gsehn hob, jo und gsoffm hot a ah.

Waun er so weida mocht daun sieh i do ka licht mehr, weu daun huckt a boid im Stah.

Und do wiad a daun misshandlt in da Dusch ois nokata.

Waun er so weida mocht daun sieh i do ka licht mehr, weu daun huckt a boid im Stah.

Heans Fräulein ihr Sohn is a Gfrast meiner Söh wiaklich woa.

Jetzt hot er no dazua sein Führerschein, jo glaubt ma des, der is jo a Gefoah.

Er losst si owa do de Gossn, mit 220.

Ah geh heans auf i übertreib doch net und überhaupt i was jo wos i was.

I wird demnächst de Polizei do informiern weu do kenn i kan Spass.

Na geh heans auf i übertreib doch net und überhaupt i was jo wos i was.

Heans Fräulein ihr Sohn is a Gsindl und a Giftla in Person.

Er woa es letzte moi guad drauf und er hot glocht, heans ihna Sohn jo der nimmt Drogn.

Schauns der spritzt jo es Haschisch und er frisst des Heroin.

Der raucht Extasy und Schwammerl, schnüffelt Uhu und er trinkt a Kokain.

Na, der Bua is nix wert.

Weu dem Buam rennt in da Ruabn ois vakehrt.

Heans Fräulein ihr Sohn is a Gfrast, heans i tät mi schiniern.

Der soitat si a Beispü nehma an meinm Buam weu der tuat heia maturiern.

Jo mei Bua der is da Beste, mei Bua is intellegent.

Mei Bua hot eine weiße Weste, jo mei Burli wird moi Bundespräsident.

Jo, mei Bua is hoid wer.

Weu mei Bua is vo Natur a Schamäa.

Hobts scho gheat vo dem hinign Madl wos heit gfundn haum im Woid.

Heast a so a fesches Madl und no so jung, na de woa nu net oid.

Nochn Maturaball is gschehn, do hot da Burschi auf sie gwoat.

Präsident woit a werdn, wos is jetzt, jo jetzt huckta wegn Mord.

Und de Mutta vo dem Hödn, jo so a nette Frau.

De hot de Nochricht net wirklich dazaht und si beim Fenster oweghaut.