Spider Murphy Gang Zwoa Zigarettn Songtext

Die ganze Woch' von 8te bis um dreiviertel 1

sitz'ma in da Schui,

Vergnüg'n is des koans!

Uns raucht scho' da Kopf vor lauter Mathematik,

da huift nur no oans, des is der oide Trick:

Da Toni steht als erster auf und sogt er'm is' schlecht

und wie er des bringt, ja da moanst, des is echt!

Da Lehrer sagt: "Ja geh' halt a weng 'naus an'd frische Luft!"

Des braucht er 'eam ned zwoa moi sog'n, scho' is' er verduft'!

Ja, zwoa Minuten später bin i scho' drauß't auf'm Klo,

i sog: "Geh' weida, Toni, zünd'ma glei' oane o!

Soll'n die Anderen si plogn, na des is nix für mi,

jetzt lass'mas uns guad ge, da Toni und i!

Und rauchen zwoa Zigaretten

zwoa Zigaretten

zwoa Zigaretten auf der Schul-toiletten,

mei bester Spezl und i.

Nach 10 Minuten sitz'ma wieder brav in der Klass',

da Toni und i, all' zwoa a weng blass.

Da Lehrer schaut uns o, mia san scho' weiß wia'd Wand

und rutschen ganz nervös auf'm Stuhl umma'nand.

Dann fangt er o zum Schimpfen und kocht fast vor Wut,

des is' für sei' Blutdruck ganz bestimmt ned guad.

Er hoit uns an Vortrag: "'S nächste Mal fliegt's raus!"

Da hear'mas Läuten und scho' sam'ma drauß't.

Und rauchen zwoa Zigaretten,

zwoa Zigaretten,

zwoa Zigaretten auf da Schul-toiletten,

mei bester Spezl und i,

ja zwoa Zigaretten,

zwoa Zigaretten,

ja zwoa Zigaretten auf da Schul-toiletten,

mei bester Spezl und i,

mei bester Spezl und i,

mei bester Spezl und

i.