Fritz Stingl Da God Songtext

D'Wöd richt se ois söwa, d‘Wöd is da God

a Kua de kriagt Köba, da Brav wird a Grod

Wei ma z‘vü Leit wean drum schickt‘s wås daher

an Virus, a Wön und Soidotn mi‘n G‘weha

D‘Wöd richt se ois söwa, d‘Wöd is da God

a poa Leit de find‘n in richtig‘n Pfåd

a poa Leit de find‘n in richtig‘n Weg nia

iwaroi san‘s dahoam, kimmt ma oft fia

D‘Wöd richt se ois söwa, d‘Wöd is da God

an Hauff‘n san ehrlich, da Rest is a Gsod

warum er's so eiteut håt, des woas nur er

åb und zua hed i a gånz gern a G‘weha

D‘Wöd richt se ois söwa, d‘Wöd is da God

da Reiche frisst Humma, da Oame isst s‘Brot

am Sonntåg da Pfoara sågt, ålle san gleich

jetz‘ wisst‘s es warum i a d‘Kira so scheich

D‘Wöd richt sie ois söwa, d‘Wöd is da God

boid is‘ stockfinsa, eiskoit und ois z‘spåt

wåx‘n tuad nix mehr, s‘Ess‘n is goa

ma denkt dånn voi gern z‘ruck wia‘s frira amoi woa

D‘Wöd richt se ois söwa, d‘Wöd is da God

der wås ned mit ihr lebt, der kimmt in a Not

der wås se geg‘n sie stöt, den geht‘s ned lång guad,

da Berg der spuckt Gluat aus, vo lauta Wuad